東方昨日抵達越南南定，備戰明日作客南定FC的「亞冠盃2」F組煞科戰，惟有傷在身的黃梓浩和姚浩明未見隨隊，連同滿3張黃牌要停賽的丹尼爾，共有3名後防無法候命。昨日26歲生日的林衍廷，揚言即使難關重重，仍會全力在南定FC身上搶分。

東方派出22人大軍前往越南，惟周日聯賽不敵九龍城一役中傷出的黃梓浩和姚浩明，以及此前已有傷的加利安及費利浦薩，均未有隨隊。東方昨午抵達河內國際機場後，再經約兩小時車程到達位於南定的酒店，並在黃昏時舉行首課操練。

東方主教練盧比度受訪時透露，3名守將未能候命，令他頭痛萬分，但強調會盡力找出替代方案：「Dani（丹尼爾）要停賽，『黃梓』同『姚明』又傷咗，隊波冇晒正宗左閘，但我哋會喺呢兩日操練嘗試搵唔同配搭！」昨日「牛一」的林衍廷則表示，即使球隊走勢欠順，並在「亞冠盃2」提前出局，但無損全隊搶分決心：「自己應該第一次喺外國過生日，今季確係有唔少困難，但我哋會盡做，希望攞番啲信心，之後喺本地賽事重返正軌。」■■記者鄧文滔越南直擊