無綫藝人劉穎鏇近日應邀出席聖誕活動，將於月底拍完無綫劇集《飛常日誌II》的她相當雀躍，直言歸心似箭，她說：「我目標係希望聖誕可以返去洛杉磯嗰邊陪屋企人過，但係我未買機票嘅，因為始終做嘢為主，希望一有空檔就可以即刻走。」談到聖誕禮物，她笑謂幸好家人沒有互送禮物的習慣，為荷包慳了不少，她說：「我試過想送禮物畀父母，但佢哋樣樣都話唔想要。」劉穎鏇透露收過最Sweet的聖誕禮物是粉絲的手作相簿，但未有追求者送過手作禮物，若有一定會加分，又指家人作風洋化，不會對她的終身大事逼供。

此外，鄺潔楹日前到澳門玩並於聖誕裝飾前打卡，有網民指她與劉穎鏇撞樣，事實上兩人感情相當好，不時一起拍片分享到社交網。